28/12: Opningskonsert - Dovre i verda

Pilegrimar i middelaldaren, utvandring på 1800-talet, innvandring i dag… Dovre har alltid vore ein del av den store verda. Noko av den fyrste musikken frå den store verda som vart høyrt på Dovre var nok den religiøse og klassiske musikken i kyrkjene; i kveld representert ved vakre Schumann og eldfulle Mendelssohn med strykarar frå KORK og pianisten Paul Wilmot. Tenk at Dovre allereie frå 1930 hadde noko så ekstotisk og unorsk som ein strykekvartett! Den legendariske Angardskvartetten spelte til dans og underhaldning i meir enn 40 år og eit utval av denne musikken får vi høyra i kveld; både i kyrkja og på Jetta: Dei spelte Dovreleikar arrangert av Ole Hjellemo, men også Wienervals og galopp frå finstovene på Hedemarken. Strykekvartetten vår hoppar rett frå Angard til Iran når dei får med seg virtuosen Javid Afsari Rad på Santur (eit fascinerande persisk folkeinstrument) og tekstopplesaren Safa Abubasha, som kom til Nord-Gudbrandsdalen som kvoteflyktning. Tekstane ho les fortel om innvandringa til Dovre og andre små stader i Noreg. Vi får også høyra utvandrarane si historier i form av Amerikabrev sendt til Dovre rundt 1890.

Duoen Bjørn Kåre Odde (fele)/Ole Nilsen (trekkspel) spelar både svingande tradisjonsmusikk  og ny vakker folkeinspirert musikk av Wolfgang Plagge. Bjørn Sigurd syng lokale stubbar med duoen og Per Arne skal sjølvsagt spela temperamentsfull tango med dei fantastiske strykarane.

Medverkande:

Per Arne Glorvigen – bandoneon

Bjørn Sigurd Glorvigen - folkesong

Bjarne Magnus Jensen – fiolin

Jon Sønstebø - bratsj

Steinar Haugerud - kontrabass

Bjørn Kåre Odde – fele

Ole Nilsen – trekkspel

Javid Afsari Rad – santur

Safa Abubasha – tekstlesing

Paul Wilmot-piano

Kjøp billett

Billettar

Tidspunkt: 28. desember, 2018, kl. 19:00
Stad: Dovre Kyrkje
Pris: 250kr + avgift

KONSERTANE

Opningskonsert - Dovre i verda

Dovre Kyrkje

28. desember, kl 19:00

Nachsprell mæ nogo attåt

Tasty Thai Jetta

28. desember, kl 21:30

Fredheimkonserten

Fredheim aldersheim

29. desember, kl 11:00

Stor orkester- og orgelkonsert

Dombås kyrkje

29. desember, kl 19:00

Hotellnachsprell

Dombås hotell

29. desember, kl 21:30