BØ

Bø! Temaet for årets Dovrejul varslar om skrymt, gjenferd og overtru som var knytt til jula i gamledagar. Og så skal vi sjølvsagt feire Lesja og Dovre sin store spelemann, Magne Bø, som hadde vorte 100 år i år. Tradisjonen tru blir det klassisk musikk, folkemusikk og tango.

ÅRETS ARTISTAR

Gjermund Larsen

Foto: Agnete Brun
Rolf Gupta
Ann-Helen Moen
Per Anders Håvelsrud
Orkester Innlandet
GLO2020

Foto: Erik Hannemann
Per Arne Glorvigen
Camilla Granlien
Vegar Vårdal

Foto: Ingvild Skeie Ljones
Bjørn Sigurd Glorvigen

KONSERTAR 2024

28. desember kl. 19.00

Dovre kyrkje

Per Arne Glorvigen har med kvartetten sin "Glo2020" med meisterpianisten Christian Ihle Hadland, cellisten Øyvind Gimse og ikkje minst Hedmarkssjarmøren frå Stockholm: Bernt Ola Volungholen som syng alt frå Schubert til Prøysen. Gruppa vil mellom anna urframføra Per Arne sin nye komposisjon De Profundis (Frå Djupet, Salme 130).

Bjørn Sigurd Glorvigen har med seg Vegar Vårdal (fele) og Camilla Granlien (song/kontrabass). og blir til Sandvik Trio. Trioen hentar stoffet sitt frå den rike folkemusikktradisjonen i Norddalen og formidlar den i nye arrangement.

Rainy Day Productions med instruktørane Silje Olava Bakken og Maja Bekken.

Billettar

28. desember kl. 21.30

Jetta kro

Nachsprell

Musikarane frå kyrkjekonserten kjem til Jetta og speler eit lettare program med skjemt og alvor. Få med deg klassiske perler eller ta deg ein svingom når Vårdal/Glorvigen/Granlien spelar meire folkemusikk og gamaldans.

Her får du ei nær og intim konsertoppleving med nokon av dei flottaste musikarane i Noreg i dag.

Det går rykter om at tre bla frå den yngre garde Glorvigen også vil delta med rocka strømgitarar og song!

Billettar

29. desember kl. 11.00

Dombås kyrkje

Føremiddagskonsert i Dombås kyrkje

Per Anders Håvelsrud (orgel), Bjørn Sigurd Glorvigen (kveding) og Lesja Barnekor

Julesongar, Ludvig Nilsen; Passacaglia over Draumkvedet (orgel), utdrag frå Draumkvedet (kveding)

Billettar

Dombås kyrkje

29. desember kl. 19.00

Orkesterkonsert i Dombås kyrkje (Parkering Dombås Hotell)
Medverkande: Orkester Innlandet, Lesja barnekor, Gjermund Larsen, Rolf Gupta, Ann-Helen Moen, Per Anders Håvelsrud og Per Arne Glorvigen
Musikk: Ramayånå av Rolf Gupta med indisk tekst gjendikta av Arne Garborg (tingingsverk frå Dovrejul, urframføring), Gjermund Larsen sin eigen sprudlande folkemusikk, Uten Struper (Rolf Jacobsen/Per Arne Glorvigen) og Richard Wagner sitt gripande forspel til Tristan og Isolde. Etter konserten går alle i Åsgårdsreiprosesjon til Dombås Hotell der vi serverer gløgg og så fortset med Nachsprell!

Billettar

Dombås hotell